Shubman Gill Century: शतक एक विक्रम अनेक! कर्णधार गिल दिग्गजांच्या पंक्तीत; ब्रॅडमनसह, विराट, गावसकरांचीही बरोबरी

By Author: ankita
Total Articles: 1
Comment this article

भारतीय क्रिकेटपटू शुभमन गिल कसोटी कर्णधार झाल्यापासून कमालीच्या फॉर्ममध्ये फलंदाजी करतोय. सध्या भारताचा संघ इंग्लंडविरुद्ध दुसऱ्या कसोटीत बर्मिंगहॅममधील एजबस्टन येथे खेळत आहे. या सामन्याचा पहिला दिवस शुभमन गिलने गाजवला आहे. त्याने पहिल्याच दिवशी खणखणीत शतक ठोकलं आहे. यासोबतच अनेक मोठे विक्रम करत दिग्गजांच्या यादीत स्थान मिळवलं आहे.

अँडरसन-तेंडुलकर ट्रॉफी या कसोटी मालिकेतील दुसऱ्या सामन्याला बुधवारी (२ जुलै) सुरुवात झाली. ...
... या सामन्यात इंग्लंडने नाणेफेक जिंकून प्रथम गोलंदाजी करण्याचा निर्णय घेतला. यावेळी केएल राहुल २ धावा करूनच माघारी परतला. पण नंतर यशस्वी जैस्वालला करूण नायरने साथ दिली होती. परंतु, करुणही ३१ धावा करू शकला.

मात्र नंतर जैस्वाल आणि शुभमन गिलने डाव पुढे नेत अर्धशतकी भागीदारी साकारली. जैस्वाल बाद झाल्याने ही भागीदारी तुटली. जैस्वालने ८७ धावांची अफलातून खेळी साकारली. रिषभ पंत २५ धावांवर, तर नितीश कुमार रेड्डी १ धावेवरच माघारी परतला. पण नंतर रवींद्र जडेजाने पहिला दिवस संपेपर्यंत शुभमन गिलला साथ दिली. त्यांनी पहिला दिवस संपेपर्यंत ९९ धावांची भागीदारी केली होती.

यादरम्यानच शुभमन गिलने शतक साकारले. त्याचे हे ७ वे कसोटी शतक ठरले, तर भारताचा कर्णधार म्हणून दुसरे शतक आहे. गिलने इंग्लंडविरुद्ध पहिल्या कसोटीतही शतक केले होते. त्यामुळे त्याने भारताचा कसोटी कर्णधार म्हणून सलग दुसऱ्या सामन्यात शतक करण्याचाही पराक्रम केला. भारताने पहिल्या दिवशी ८५ षटकात ५ बाद ३१० धावा केल्या. भारताकडून शुभमन गिल ११४ धावांवर आणि रवींद्र जडेजा ४१ धावांवर नाबाद आहे.