ALL >> General >> View Article
ଅନୁଭୂତି ବାଣ୍ଟିଲେ କ୍ରୀଡ଼ାବିତ୍...pmଙ୍କୁ ଦେଲେ ପିସ୍ତଲରୁ ନେଇ ଜର୍ସି ଓ ରାକେଟ୍ ଉପହାର
ଅର୍ଗସ ବ୍ୟୁରୋ: ସଫଳତା ପରେ ଅଟକି ଯାଅନି, ବିଫଳତା ପରେ ହତାଶ ବି ହୁଅନି । ଅଭ୍ୟାସ ଜାରି ରଖ, ପରିଶ୍ରମ କରି ଚାଲ । ସଫଳତା ଆପେ ଆପେ ଆସିବ । ପ୍ୟାରିସ ଅଲିମ୍ପିକ୍ସରେ ଅଂଶଗ୍ରହଣ କରିଥିବା ଖେଳାଳିଙ୍କୁ ଭେଟି ଏମିତି କିଛି ପରାମର୍ଶ ଦେଇଛନ୍ତି ପିଏମ୍ ମୋଦି । ସମସ୍ତଙ୍କ ସହ ଆଲୋଚନା କଲେ, ପିଠି ଥାପୁଡ଼େଇ ସାବାସୀ ଦେଲେ, ପ୍ରେରଣା ଯୋଗାଇଲେ । ଗୁରୁବାର ଦିଲ୍ଲୀସ୍ଥିତ ପ୍ରଧାନମନ୍ତ୍ରୀଙ୍କ ଆବାସରେ ଅଲିମ୍ପିଆନମାନଙ୍କ ସହ ସାକ୍ଷାତର ଏକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଖେଳାଳିଙ୍କୁ ଭେଟିବା ସହ ସେମାନଙ୍କର ମନୋବଳ ବଢ଼ାଇଛନ୍ତି ...
... ମୋଦି । ସୁଟର ମନୁ ଭାକର ପିଏମ ମୋଦୀଙ୍କୁ ଏକ ପିସ୍ତଲ ଦେଇଥିଲେ ।
ସେହିପରି ରେସଲର ଅମାନ ଶେରାୱତ ଏବଂ ହକି ଲିଜେଣ୍ଡ ପିଆର୍ ଶ୍ରୀଜେଶ ପ୍ରଧାନମନ୍ତ୍ରୀଙ୍କୁ ଜର୍ସି ଦେଇଥିଲେ । ଯେଉଁଥିରେ ଭାରତୀୟ ଖେଳାଳିଙ୍କ ଦସ୍ତଖତ ଥିଲା । ଭାରତୀୟ ହକି ଦଳର ଅଧିନାୟକ ହରମନପ୍ରୀତ ସିଂ ତାଙ୍କ ଦଳ ପକ୍ଷରୁ ପ୍ରଧାନମନ୍ତ୍ରୀଙ୍କୁ ଏକ ହକି ଷ୍ଟିକ୍ ଦେଇଥିଲେ । ସଟଲ୍ ସେନସେସନ ଲକ୍ଷ୍ୟ ସେନ ପିଏମ୍ ମୋଦିଙ୍କୁ ଦେଇଥିଲେ ଏକ ରାକେଟ୍ ଉପହାର ।
ଖେଳାଳିମାନଙ୍କ ଠାରୁ ଅଲିମ୍ପିକ୍ସର ଅନୁଭୂତି ପଚାରି ବୁଝିଥିଲେ ପିଏମ୍ । ବିଶେଷ କରି ହକି ଖେଳାଳି ୫୨ ବର୍ଷ ପରେ ଦୋହରାଇଥିବା କାରନାମାକୁ ହୃଦୟଖୋଲା ପ୍ରଶଂସା କରିଛନ୍ତି । ଭିନେଶ ଫୋଗଟଙ୍କ ସଫଳତାକୁ ପ୍ରଶଂସା କରିବା ସହ ଫାଇନାଲରେ ପହଞ୍ଚି ସେ ଇତିହାସ ରଚିଥିବା କହିଛନ୍ତି ମୋଦି ।
ସେପଟେ ପ୍ୟାରିସରେ କମାଲ କରି ଓଡ଼ିଶା ଫେରିଛନ୍ତି ବ୍ରୋଞ୍ଜ ପଦକ ବିଜେତା ହକି ଷ୍ଟାର ଅମିତ ରୋହିଦାସ । ଭୁବନେଶ୍ବର ବିମାନ ବନ୍ଦରରେ ପହଞ୍ଚିବା ପରେ ଅମିତଙ୍କୁ ଭବ୍ୟ ସ୍ବାଗତ କରାଯାଇଛି । ପରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଲୋକସେବା ଭବନରେ ଅମିତଙ୍କୁ ସମ୍ବର୍ଦ୍ଧିତ କରିଛନ୍ତି । ଫୁଲତୋଡ଼ା ଓ ଉପଢୌକନ ଦେଇ ଅଭ୍ୟର୍ଥନା କରିଛନ୍ତି । ଏହି ଅବସରରେ ଅମିତ ରୋହିଦାସ ମଧ୍ୟ ଭାରତୀୟ ହକି ଦଳର ସମସ୍ତ ସଦସ୍ୟଙ୍କ ଦସ୍ତଖତ ଥିବା ଟି-ସାର୍ଟ ଏବଂ ପ୍ୟାରିସରୁ ଆଣିଥିବା ମାସ୍କଟକୁ ମୁଖ୍ୟମନ୍ତ୍ରୀଙ୍କୁ ଉପହାର ଦେଇଥିଲେ । ଅମିତ ଓଡିଶା ପାଇଁ ଗର୍ବ ଓ ଗୌରବ ବୋଲି କହିବା ସହ ଆଗାମୀ ଅଲିମ୍ପିକ୍ସରେ ଭାରତ ସ୍ବର୍ଣ୍ଣ ପଦକ ଜିତିବା ନେଇ ମୁଖ୍ୟମନ୍ତ୍ରୀ କାମନା କରିଛନ୍ତି ।
ଏକମାତ୍ର ଓଡ଼ିଆ ଖେଳାଳି ଭାବେ ଅମିତ ରୋହିଦାସ ଅଲିମ୍ପିକ୍ସରେ କ୍ରମାଗତ ପଦକ ଜିତିଛନ୍ତି । ପୂର୍ବରୁ ଟୋକିଓ ଅଲିମ୍ପିକ୍ସରେ ମଧ୍ୟ ବ୍ରୋଞ୍ଜ ଜିତିଥିଲେ । ଆଉ ଅଲିମ୍ପିକ୍ସରେ ସଫଳତା ପରେ ଅମିତ ରୋହିଦାସଙ୍କୁ ୪ କୋଟି ଟଙ୍କା ଦେବାକୁ ରାଜ୍ୟ ସରକାର ବଡ଼ ଘୋଷଣା କରିଛନ୍ତି । ଏଥିସହ ଭାରତୀୟ ହକି ଦଳର ସମସ୍ତ ଖେଳାଳିଙ୍କୁ ୧୫ଲକ୍ଷ ଟଙ୍କା ଲେଖାଏଁ ଏବଂ ସପୋର୍ଟ ଷ୍ଟାଫଙ୍କୁ ୧୦ଲକ୍ଷ ଟଙ୍କା ଦେବାକୁ ଦେବେ ମୋହନ ସରକାର ।
ଆହୁରି ପଢନ୍ତୁ କ୍ରୀଡା ଖବର...
Abinash is a passionate digital marketing specialist. He is digitally savvy and loves to learn new things about the world of digital technology useful information.
Add Comment
General Articles
1. Mana Run Vizag 2026 Brings Vizag Together In A Celebration Of Fitness And CommunityAuthor: Timing Technologies
2. Aldi Brand Growth And Marketing Strategy Analysis
Author: Actowiz Metrics
3. Performance Appraisal Methods: Effective Ways To Evaluate Employee Performance
Author: Rohit Yadav
4. Ai Voice Agent In India: How Heybol Is Changing Business Calls
Author: Heybol
5. Embrace The Absurdity: Your Guide To Conquering Drive Mad
Author: Joseph Barber
6. Dentist In Virar: Understanding Costs Before You Book
Author: pravindentalclinic
7. How Can Ai-ready Website Development Improve Online Visibility?
Author: DNA Digital Group
8. What Information Should You Give A Mold Inspector About Your Symptoms
Author: BayAreaMoldPros
9. India Vs Japan T20i 2026: Historic Cricket Clash Set For September 22
Author: Mike
10. A Quick Guide To Mobile App Backend Development
Author: brainbell10
11. Why Data Science Training Can Be Valuable For Personal And Professional Knowledge
Author: dhwani
12. How To Plan A Tire Rubber Crumb Plant Around The Product You Intend To Sell
Author: YUXI
13. What Is Slaked Lime And Why Is It Widely Used?
Author: shiviminerals
14. Beautiful Ram Site In Sitting Position For Your Home And Temple
Author: Ruhi
15. Time And Attendance Tracking: Improving Employee Time Management
Author: Rohit Yadav