ଇରାନର ଅନେକ ସହର ଉପରେ ଇସ୍ରାଏଲର ମିଶାଇଲ ମାଡ

By Author: Argus News
Total Articles: 123
Comment this article

ଅର୍ଗସ ବ୍ୟୁରୋ : ଇରାନ ଉପରେ ଆକ୍ରମଣ କରିଛି ଇସ୍ରାଏଲ । ଇରାନର ଅନେକ ସହର ଉପରେ ଇସ୍ରାଏଲ ମିଶାଇଲ ମାଡ କରିଛି । ଇରାନର ନ୍ୟୁକ୍ଲିୟର ପ୍ଲାଣ୍ଟ ଉପରେ ମଧ୍ୟ ମିସାଇଲ ମାଡ ହୋଇଥିବା ସୂଚନା ମିଳିଛି । ଅନ୍ତର୍ଜାତୀୟ ଗଣମାଧ୍ୟମର ସୂଚନା ମୁତାବକ, ଇରାନର ଇସାଫହାନ ସହରର ବିମାନବନ୍ଦର ଉପରେ ମିଶାଇଲ ମାଡ ହୋଇଥିଲା । ଏଥିରେ ଆଖପାଖ ଅଂଚଳ ମଧ୍ୟ ଥରିଉଠିଥିଲା ।

ଏହି ଅଞ୍ଚଳରେ ଏକାଧିକ ନ୍ୟୁକ୍ଲିଅର ପ୍ଲାଣ୍ଟ ରହିଛି । ତେଣୁ ଏହି ସହରକୁ ଟାର୍ଗେଟ କରିଛି ଇସ୍ରାଏଲା । କିଛି ଦିନ ତଳେ ଇସ୍ରାଏଲ ଉପରେ ଆକ୍ରମଣ କରିଥିଲା ଇରାନ । ତେଣୁ ଏହାର ଜବାବ ଦେବାକୁ ଇସ୍ରାଏଲ ଆକ୍ରମଣ କରିଥିବା ସୂଚନା ମିଳିଛି । ପ୍ରତିଶୋଧ ନିଆଁରେ ଜଳି ଆସୁଛନ୍ତି ଇସ୍ରାଏଲ ପ୍ରଧାନମନ୍ତ୍ରୀ ବେଂଜାମିନ ନେତନ୍ୟାହୁ । ଇରାନକୁ କିଭଳି ଶକ୍ତ ଜବାବ ଦିଆଯିବ ଏନେଇ ଆଜି ଇସ୍ରାଏଲ ନେବ ବଡ଼ ନିଷ୍ପତି । ନେତନ୍ୟାହୁଙ୍କ ଅଧ୍ୟକ୍ଷତାରେ ବସିଛି ଉଚ୍ଚସ୍ତରୀୟ ଯୁଦ୍ଧ ଓ ସୁରକ୍ଷା କ୍ୟାବିନେଟ ବୈଠକ ।

ଅଧିକ ପଢନ୍ତୁ ବିଦେଶ ଖବର

ଇସ୍ରାଏଲ ଏକଥା ମଧ୍ୟ ସ୍ପଷ୍ଟ କରିଛି ଯେ ସହଯୋଗୀ ଦେଶମାନଙ୍କର ପରାର୍ମଶ ଯାହାବି ହେଉନା କାହିଁକି ଚୁଡାନ୍ତ ନିଷ୍ପତି ଇସ୍ରାଏଲ ନିଜେ ନେବ । ସେପଟେ ଯୁଦ୍ଧ ଆଶଙ୍କା ଭିତରେ ଆଜି ଇସ୍ରାଏଲ ପହଁଚୁଛନ୍ତି ବ୍ରିଟେନ ଓ ଜର୍ମାନ ବୈଦେଶିକମନ୍ତ୍ରୀ । ଏପ୍ରିଲ ୧୩ ଓ ୧୪ ଦୁଇ ଦିନ ଧରି ଇସ୍ରାଏଲ ଉପରେ ୩୫୦ରୁ ଅଧିକ କ୍ଷେପଣାସ୍ତ୍ର ମାଡ କରିଥିଲା ଇରାନ ।

Abinash is a passionate digital marketing specialist. He is digitally savvy and loves to learn new things about the world of digital technology useful information.